SINO AKO?

Ikatlong aklat p. 34

Ako’y Pilipina 

Sa dugo, diwa at wika 

Ang bansang aking pinanggalingan 

Tinatawag na Perlas ng Silangan 

Nguni’t nang ako’y lumaki 

At may gulang na ang pag-iisip 

Mag-ibang bansa aking minithi 

Napadpad sa Norway sa bandang huli 

Hanapbuhay nakapagbigay ng palad 

Mahalaga sa buhay ng bawa’t isa 

Taos langit ang aking pasasalamat 

Na sa Norway ako napadpad 

Ang bagong lipunang aking dinatnan 

Dapat lamang mapag-aralan 

At bigyang halaga kakaibang kaugalian 

Para madama ang magandang samahan 

Nguni’t dapat ding itangkilik 

Ang ating dating kaugaliang kanais-nais 

Sa lupang aking tinubuan 

Dahil dito nagmula ang tanging pinanggalingan.